زوز راكبين في سيارة ضربوا واحد

زوز راكبين في سيارة ضربوا واحد.

الاول قال للثاني اهبط شوفو مات ولا لا.

ياخي هبط و قالو "ايجى شويه عاليمين، ارجع شويه عاليسار، قدم شويه القدام" و بعد غزر لصاحبو و قالو "سافا، توا مات"...

سكران دخل لمتحف

سكران دخل لمتحف إتدعثر في فاز طيح كسرو، جاه المدير يجري قالو يا هم تعرف الي كسرتو من القرن الرابع قبل الميلاد؟؟

قالو اوووووه هنيتني وانا مشى في بالي جديد...

واحد بليد خالتو جابت ولد مغير وذنين

واحد بليد خالتو جابت ولد مغير وذنين قالتلو امو امشي بارك لخالتك اما رد بالك تجيبلهاش موضوع الوذنين ما تجرحلهاش مشاعرها، قالها اوكيه.

مشا وسلم على خالتو وباركلها وقالها :اهم حاجة تكثرولو من عصير السفنارية باش ماينقصلوش النضر.

قالت خالتو:اذا نقص النضر نشريولو مرايات.

قالها لبليد: ماو هاذي المشكل... كيفاش باش يركحوا بلاش وذنين؟؟؟

فما استاذ حطوه يقري

فما استاذ حطوه يقري في بير بورقبة و من بعد نقلوه لبير جديد، عويمات و زادا نقلوه لبير لحجر، بعث جواب للوزارة قاللهم راني بشر موش سطللل

شنوة حكاية الثلاثة شكاير

فما مرا كي يخرج راجلها ، تنادي لصحابها يسهرو معاها ، مرا روح راجلها بكري مل فجعة لمرا حطتهم في شكاير.

سألها راجلها قلها شنوة حكاية الثلاثة شكاير قتلو بعثتهم امك من البلاد.

مشا راجل يشوف فيهم ضرب الشكارة لولا قالت " باع" قال هاو علوش. ضرب الثانية قالت "مااااا " قال هاي معزة ، ضرب ثالثة ماجوبتش عاود ضرب طلعلو الراجل مالشكارة و قلو " هاولدي بطاطا بطاطا "

راسي من الليل لليل يوجعني

واحد زار الطبيب وقالو: راسي من الليل لليل يوجعني

الطبيب: ترقد وتخلي الشباك مفتوح والا مغلق؟

المريض: مغلق

الطبيب: تراه جرب ارقد الليلة وخليه مفتوح وغدوة ارجعلي. 

رجعلــو غدوة،الطبيب: ما زال راسك يوجع فيك؟

المريض: لا ـ تنحات وجيعة راسي ، وتنحّات التلفزة ، والبارابول، والغسالة والذهيبات متاع المرا...

واحد قاعد مع صحابو في القهوة

واحد قاعد مع صحابو في القهوة وقت لي جا مروح طلب مرتو وقالها: هاني جاي سخنلي الماء.

صحابو عجبتهم الفازة قالولو: هذي الرجولية والا لوح... 

غزرلهم وقال: ايه اماله تحبوني نغسل المــــــــاعون بالمـــــــاء البـــــارد؟؟؟

تونسي وصيني وامريكي تخاطروا

تونسي وصيني وامريكي تخاطروا اشكون يحرك ذيل فيل.

الامريكي بالاورديناتور والاسلحة مانجم يعمل شي

الصيني بالكاراتي وكذا، شي مانجموش

جاء التونسي وحط للفيل قرن فلفل حار في ترمتو، ياخي الفيل حرك ذيلو.

من بعد تخاطرو اشكون ايحرك راس الفيل

الصيني مانجمش والامريكي زادة

جا التونسي وقال للفيل ايا انعاودلك كيما بكري؟

جاوبو الفيل براسو لا لالالالالالالالا

واحد طلع في الكار

واحد طلع في الكار شاف طفلة ضحكتلو ضحكلها، غمزتو غمزها، قاللها أهبط في المحطة الجاية هبطت، ياخي مشى قعد في بلاصتها...

واحد راقد مع مرتو

واحد راقد مع مرتو، ياخي قالتلو بردانة 

قالها: اتغطى 

قالت: مازلت بردانة 

قالها: زيد اتغطى 

قالت: انا كيف كنت عند امي كنت وين نقللها بردانة، تعنقني .

قالها:هذا اللي ناقص عاد، نجيب امك ترقد معانا...

   

تلميذ سأل الأستاذ

تلميذ سأل الأستاذ :ممكن يعاقب الإنسان على حاجة معملهاش؟

قال له :لا طبعا

ففرح التلميذ و قال له : هيا الحمدولله حتا آنا ما خدمتش دروسي...

جهاز كشف الكذب

واحد مصطّك عملولو جهاز كشف الكذب 

قالولو اذا كذبت يشعل بالأحمر الجهاز، فهمت؟ 

قاللهم فهمت

ياخي شعل الجهاز بالأحمر...

   

واحد شمايتي حاكمين عليه بالاعدام

واحد شمايتي حاكمين عليه بالاعدام

نهار التنفيذ جابو معاه واحد آخر باش ينفذو عليه حكم الإعدام هوّ زادة.

قالو للأوّل : أش تحب قبل التنفيذ؟

قالهم : نحب نشوف أمي.

قالوا للشمايتي : و أنت؟

قالهم : ما تجيبولوش أمّو...

رجل أمن ليبي وقّف سيارة قولف4

رجل أمن ليبي وقّف سيارة قولف4 في الحدود بين ليبيا و تونس فيها خمسة شباب توانسا. قاللهم انتوما مخالفين ..

سألو السائق: علاش؟

قالو : على خاطر هذي قولف أربعة ما تنجموا تركبوا فيها كان أربعة

قالو : يخّي تحكي بجدك؟؟ راهو أربعة هذاكة إسم السيارة ، موش عدد الأشخاص الي يركبوا فيها

شي، البوليس ما فمهمش وباقي شادد صحيح، واعتبرهم مخالفين للقانون

قام السائق تنرفز وقالو: بالله عيّطلي عرفك خلي نتفاهموا معاه 

جاوبو: عرفي ما ينجمش يجيكم

سألوه: إنجّموا نعرفوا علاش مش ممكن يجينا ؟

قاللهم : على خاطر عندو ساعة وهو يتعارك مع زوز من الناس يلقاهم راكبين في فيات أونو

فما واحد شاف طفلة

فما واحد شاف طفلة تاكل فالGLACE ياخي مشى وقاللها أختي انجم نطلب منك حاجة ومتفهمنيش بالغالط؟

قالتلو تفضل

قاللها انجم نلحس منو؟

ياخي مدتلو الكورنو

قاللها شفت كي قتلك متفهمنيش بالغالط؟

كيف أقدر أخدمك

موظف استقبال الفندق يقول لشخص سعودي

كيف أقدر أخدمك sir 

قال له : لا تقول لي sir 

هذي قلها للكافر أنا مسلم قلّي أخويا أو يا عبدالله

قال له : طيّب يا أخويا كيف أقدر أخدمك ؟ 

قال له : وين البار ؟

سبت ولا أحد

مرة واحد مهبول يسإل في واحد اخر مهبول 

- ياخي ليوم سبت ولا أحد؟ 

- الاثنين
- ياخي كيفاش جايين مبعضهم؟؟؟

سأل ياباني صديقه التونسي

سأل ياباني صديقه التونسي : لماذا فسخت خطوبتك ؟؟

فأجابه : لعبت معاها PES2017 ربحتني 5-1

فاندهش الياباني و قال : و هاذي آش مدخلها في فسخ الخطوبة !!؟

أجاب التونسي : فما شكون علمها تلعب

فأسلم الياباني.

نمر سكران

نمر سكران تعداو من جنبو قطوس خالط على فار ضحك و قال 

"يلعن بو ايام الإبتدائي الواحد قداش كان ناشط.."

سعودي دخل للحجام تونسي

سعودي دخل للحجام تونسي خرج اقرع علاش ؟؟؟

على خاطر كل ما الحجام يقوله باهي هكا يقوله "والله ما قصرت"

​

صدقوني، فلوس غوغل ماهيش باش تمشي سدا

باب العرش

فمّا واحد تحلّو باب العرش في ليلة 27

قالو أطلب آش تحب

 قالو نحب 4*4

يا خي ربي عطاه 16

دعيوة خير

واحد طلب من امو تدعيلو، قالتلو روح يا ولدي ربي يعطيك دار بلا كرا و ماكلة بلا شرى

لقا روحو في الحبس...

السكران و المراية

زوز سكارة قاعدين و معاهم مراية 

اللول هز لمراية و شاف وجهو و قال الوجه هذا مش غريب عليّا

ياخي الثاني خذا لمراية و غزر وقال آشبيك دايخ، هذا وجي آنا...

بوليس يسأل في سارق

بوليس يسأل في سارق بربّي كيفاش نحّيت السطوش وهو في جيب الفيستة متاع الراجل

رد عليه السارق وهو في الزنزانة مربوط بسلسلة قالو برجوليّة ما نعطيش دروس بلّوشي...

جماعة خطفوا عزوزة

جماعة خطفوا عزوزة و طفلة صبيّة باش يغتصبوهم , عاد الطفلة تعيط و تصيح هبطونا هبطونا

غزرتلها العزوزة على جنب و قالتلها : كل واحد يحكي على روحو بنيتي

أحول

أحول، سجّل في الجيش، ياخي حطّوه ديراكت في قسم القصف العشوائي...

قيمني ال6

مرّة واحد متعارك معا مرتو كتبلها ورقة فيها قيمني الـ6 

في الصباح قام الـ11 لقا ورقة مكتوب فيها : قوم توّة الـ6

سبّق الخير

فما واحد خذا مرا مغيارة، انهار روح للدار نصف النهار لقا كرهبة حماتو و لاّ دوّر مشى للمطعم و من غادي للخدمة.

المرا خافت على راجلها قالت لامها "زعمة خذا عليا مرا أخرى؟"

قاتلها امّها "يا بنتي سبّق الخير ممكن عمل حادث"

واحد يتبولد على مرا حبلى

قالها محلاها كرشك

 قالتلو تحب نعيط لراجلي يعملك وحدة كيفها؟

فما واحد واقف فوق سطح

فما واحد واقف فوق سطح البلاص الي يسكن فيه

جاه واحد قالو يا محسن بوك و أمك و خواتك ماتو

ياخي عمل هكّة ولوّح روحو من فوق البلاص

كيف وصل للطّاق 8 تذكّر الي ما عندوش خوات

كيف وصل للطّاق 3 تذكّر الي بوه و أمو متوفين ليهم ياسر

كيف وصل للطّاق 1 تذكّر الي ما اسموش محسن...

فما بهيم

فما بهيم، حاشاكم، واقف قدام هفهوف. غزر غزر ومنها قال كان واحد ايقولي إييررر مشيت فيها زيزي

واحد مشى لامريكا

واحد مشى لامريكا، بعد عام طلبوه دارهم قالولو بوك مات قللهم محسوب انتومة عايشين

واحد يحكي مع صاحبتو في التليفون

واحد يحكي مع صاحبتو في التليفون، قاللها: نحبك ونموت عليك

قاتله: تحكي من قلبك

قالها: لا مالتــــــــاكسيـــــــــــــــفون

المعنى الحقيقي لـ "طير محلى فراقك"

واحد يحكي مع مرتو في التليفون

واحد يحكي مع مرتو في التليفون ما تسمع كان "حاضر عمري" "حاضر حياتي" "حاضر حبي" ...

سألو صاحبو : كي السبة ؟! أول مرة نسمعك تدلّل في مرتك ؟!

قالو : أسكت برك ... و الله عندي جمعة ناسي اسمها !!

المربع رقم تسعة

واحد قال لمرتو "شدي الستيلو واعملي في ظهري خطوط بالطول".

شدت الستيلو وخططت.

"زيدي خطوط بالعرض"

خططت.

"اش شفتي ؟"

قالتلو: مربعات

"قداش من واحد"

قالتلو : 24

"رقميهم توّة"

رقمتهم.

"شايفه المربع رقم تسعة"

قالت : إيه

"راهو يدغدغ فيا، حكّيه بالقوي يرحم الوالدين"

واحد سلعة

واحد سلعة طلع في الكار، جاه الخلاص قالو قص التيكي متاعك، قالو ماعنديش فلوس، قام الخلاص نزل عليه بشلبوق و قالو اتعدى، قالو براس امك زيدني شلبوق اخر.. زادو.

تلفت وراه و قال يا المنجي، من غير ما تقص، بلاصتك خالصة من عندي.

حبلة من اسرائيل

وحدة مشاة لإسرائيل و رجعت حبلة و فرحانة

قالولها: وشبيك ؟

قاتلهم : جبتلكم أسير إسرائيلي في كرشي

انواع الأسلحة العائلية

[الكف]

عيار 5 اصابع

وهو سلاح قريب المدى

يجعل الدنيا تدور بيك مثل السكران..

يستعمل في حالة التعصيب المتوسط.

[القرصة]

عيار 3 اصابع

وهو ايضا سلاح قريب المدى + صامت 

غالبا ما يترك علامة زرقاء بجسد المصاب

ويستعمل في حالة وجود ضيوف.

[الشلاكة]

متعددة العيارات حسب حجم الارجل المتوفره في المنزل..

سلاح متطور جدا.

يمكن استعماله في عدة اشكال والمستويات

فهو سلاح قريب وبعيد المدى في نفس الوقت

فيمكن ان يستعمل كصاروخ آرض جو موجه بدقّة

يجيد اصابة الهدف بدقّة متناهيه ولو كنت على بعد 30 متر

وحدة حولة

خرجت تتمشى مع صاحبها سألها شبيك ساكتة قالتلو حاشمة من صاحبك

شكون فيكم مسلم؟

دخل راجل مسجد ومعاه سكينة وقال :شكون فيكم مسلم؟

حد ما جاوبو الا واحد شجاع قال: أنا... مسلم

خرجو البرّة وقالو :عندي خروف تنجّم تذبحو وتسلخو على الطريقة الاسلامية؟

قال المسلم: انا نعرف نذبح امّا شوف غيري يسلخ.

دخل الراجل للمسجد مرة اخرى والسكينة كلها دم الخروف وقال : شكون فيكم مسلم؟ كلها غزرت للامام...

رد عليهم الامام : شنّوة، صليت بيكم ركعتين ردّتوني مسلم؟؟؟

قال لها : تحبينني ؟

قالت : بجنون !

قال : وإن اكتشفتِ أنني لم أحبك يوماً ؟

قالت : يكفيني أنني أحبك كل يوم !

قال : و ماذا لو كان لي ماضِ مع غيرك ؟

قالت : حاضرك معي !

قال : و ماذا إن رفضني أهلك ؟

قالت : سأقبل أن أحاربهم من أجل حبك !

قال لها : يعني ما فماش حتى طريقة تخليني نرتاح من وجهك لحرف 

Arrosage du terrain durant la partie

قال: ناكل كسكروت و لا ناخذ الكار !

كان ناخو الكار فما حاجتين !!

يا نقعد واقف يا قاعد !

كان واقف مش مشكل و كان قاعد فما حاجتين !!

نطلع بحذا مرا ولا راجل. كان راجل مش مشكل و كان مرا فما حاجتين !!

يا تعجبني يا ما تعجبنيش !

كان ما تعجبنيش مش مشكل و كان تعجبني فما حاجتين !!

يا ناخوها يا ما ناخوهاش !

كان ما ناخوهاش مش مشكل و كان ناخوها فما حاجتين !!

يا نجيب صغار يا ما نجبيش !

كان ما نجبيش صغار مش مشكل و كان جبت فما حاجتين !!

يا طفل يا طفلة !

كان طفلة مش مشكل و كان طفل فما حاجتين !!

يا يطلع يتكيف يا ما يتكيفش !

كان ما يتكيفش مش مشكل و كان يتكيف فما حاجتين !!

يا يطلع عندو فلوس بش يتكيف يا ما عندوش !

كان عندو مش مشكل و كان ما عندوش فما حاجتين !!

يا يسرق يا يقتلني بش يتكيف ! لااااااا يا خويا ! فاش قام عليّا ! ناكل كسكروت و أنا رايض...

قالك فمّة واحد ياكل الهريسة برشة

يرقد و يقوم عالهريسة... امّو ديما تقولو يا ولدي سمّي بسم الله راه الشيطان ياكل معاك، وهو يقلها لامنقولش.

ياخي نهار مالنهارت خرجلو الشيطان و قلّو ياسخطة تي سمّي بسمالله راك ركّبتلي العذر